Берий оагӏув хьаллацарах йола проект йоаржайир мехкарча Кагирхой моттиге
«Хьалхарбарий болама» берий оагӏув хьаллацара йола проект йоаржайир мехкарча Кагирхой моттиге. Кхаь оагӏонех латташ йола дешара программа кийчъяьяр къонабарашта.
«Хоамашца боаггӏача боараме болх дӏабахьа, цхьацца хӏама дувцара говзал караерзае ӏомадергда бераш. Дӏахо, психологически болх ба царна лаьрхӏа, цунга гӏолла шоай хьал дикагӏа довза, тоабанца болх дӏабахьа, юхаозавалар дӏадаьккха, майрра шоай гӏулакх дӏадахьа ӏомабергба уж.
«Хьалхарбарий болам» яхача оагӏон доазон тӏа дӏахьоргба таханарча ханага хьежжа уйла еш хилар, шоай кхоллама хӏама доаржадар мишта хила деза довзийташ бола болх», - йоах «Сердалога» цу гӏулакха хьалхаэттараша.
Ӏомабалар пайдане хиларал совгӏа, дега тоам беш хургдолаш кофе-брейк вӏашагӏделлад цига. Программан керттера декхар хӏара бера начӏал гучадаккхарца, хьаллацарца дувзаденна да.
