Москверча вузашка дешаш бола вай мехкара толашагӏа бола студенташ белгалбир йоккхача шахьаре
Москверча вузашка тӏехдика дешаш чакхбаьннараш белгалбеш, кхетаче хилар Россе керттерча шахьаре. Вай мехкадаьгара Келаматанаькъан Махьмуд-ӏаьлагара Лерхӏаме грамоташ дӏаелар царна Москверча массазарча викала Оздой Муслима. Дешар тӏехдика чакхдаккхарца, шоай зӏамигача Даьхен гӏулакхе дӏахо къахьега кийча хиларца даькъалабийцар цо боккхача наькъ тӏа хьалхара гӏа боаккхаш бола къонабараш.
«Вай мехкара Москве дешаш болча дукхача къонабараша укх шера дешар цӏеча дипломашца чакхдаьккхад. Цу гӏулакхо хьагойт, шоаш хьалаьцача наькъа лерхӏам беш уж хилар, хӏаьта вай республикан къаьстта чӏоагӏа лоархӏаме да из тахан», - аьлар Оздой Муслима.
Цо белгалдечох, Москверча вузашка чӏоагӏдаьр, тӏехдика карадерзадаьр дӏахо вай республике, иштта боккхача мехка хӏама тоадеча наькъ тӏа накъадаргда, лоархӏаме хургда.
