Москвера Гӏалгӏайчен массазара викал волча дийцар, Кагирхой кхела декхарех
Россе Президента оагӏонцара Гӏалгӏайчен массазара викал волча Оздой Муслима кхетаче дӏайихьар Кагирхой кхела хьалха латтача Бекбузаранаькъан Рахьимаца. Кагирхой политиканна хьалхашка латтача лоархӏамеча декхарех дийцар цар вӏашагӏкхетаре. Москве дешаш болча студенташца лоаттабеча балхах, бувзамах, иштта гӏалгӏай къонабарий оагӏув хьаллоацаш йоаржае езача цхьацца кхетаченех дийцар кхетаче.
«Сердалога» цигара бенача хоамах, Бекбузаранаькъан Рахьима дийцар шоаш дӏабихьача балхах, иштта Кагирхой кхела хӏама хьаллоацаш, тӏадоагӏача шера кхоачашде лерхӏарех.
Оздой Муслима белгалдир, таханарча дийнахьа керттера дола гӏулакхаш. Москве бахаш болча вай къонабарий оагӏув хьаллоацаш, юкъарча балха юкъелоацаш, иштта керда культуран оагӏонцара, кхыйола проекташ йоаржаеш къахьегарах дийцар Оздой Муслима.
