Республикерча паччахьалкхен ИЗО музее укх бетта 27-ча дийнахьа Малсаганаькъан маьра-сесага гойтам хургба
25.02.2025 09:31
«Вахаре а кхолламе а - цхьана» яха Малсаганаькъан Любай, Тархана гойтам хьабелларгба музее, укх бетта 27-ча дийнахьа ши сахьат даьлча. Цига хьокха оттадергда тайп-тайпара говзал юкъейоалаеш хьакхелла дукха балхаш.
«Тархана, Любас даь балхаш даьй Ӏадаташ, къаман истори гойташ, лакха говзал юкъейоалаеш кхелла да. Суртанчий дега уйла, цар къахьегам ший тайпара болга белгалдеш я хӀара хӀама», - дийцар музея болхлоша.
Вай мехкахоша кхеллача хозача балхашка хьажа бех бахархой 27-ча дийнахьа. Дукха хӀама довзарал совгӀа, къахьегаш баьхкарашца къамаьл де, моллагӀа хаттар дала аьттув хургба хьабаьхкарий».
