«Суртанчаца хӀама кхаллар» дӀадихьар ИЗО музее
04.03.2025 09:49
Пушкина карта яхача федеральни программага гӀолла «Суртанчаца хӀама кхаллар» яха болам дӀабихьар, вай мехкарча музее. Суртанчаца, кулгашца тайп-тайпара хӀамаш хьаеш йолча Ильясанаькъан Индирайца цхьана чай молаш, къамаьл де гулбелар Илдарха-ГӀалий тӀарча гимназера дешархой.
Сурташта юкъе ха дӀахьош дагӀача берий дукха хаттараш дар Индирайга, масала, мишта йолаелар хьо уж дехка, хала дарий болх дӀаболабеш, мишта дагадехар хьона из, иштта кхыдараш а.
«Шоаш дӀа-хьа къасташ, дукха ха йоацаш цига дӀабихьача «Дега, сина низ чуболлар» яхача гойтамера, ший кулг яздеш, хӀаранена буклеташ делар Индирас. Кхоллама никъ боаржабеш, хьаллоацаш, бераш цу гӀулакха тӀахьехаш дӀайихьа кхетаче яр из», - белгалдир музея болхлоша.
