ГӏалгӀайчен мехктохкама музее «Шолохова дуне, цун турпалаш» яха гойтам хьабийллар
13.12.2024 15:32
ГӏалгӀай паччахьалкхен, Малсаганаькъан Тухана цӀерагӀча мехктохкама музее «Шолохова дуне, цун турпалаш» яха гойтам хьабийллар, советски йоазонхочун Шолохов Михаила кхоллама хетабаь.
Цу гойтаме, автора кхыча ханашка, ишкола программах дукхачарна довзаш долча книжкашца цхьана, тайп-тайпарча шерашка даьха сурташ а го йиш я.
«Тхо дувца лаьрхӀа да, цига хьабоагӀаргболча наха йоазонхочун кхолламах, Дона тӀарча гӀазкхий вахар дувцаш цо даьча йоазонех. Шолохова цӀи ювзаенна я гӀазкхий къаманца, цо ше ма дарра гойт цар вахар - сий, денал, майрал, Даьхенцара безам», - аьлар мехктохкама музее.
