Лермонтов Михаил ваь ди дездир музее
16.10.2024 10:24
ЦӀихезача байтанчан Лермонтов Михаила 210 шу дизар дездеш, кхетаче дӀайихьар гӀалгӀай паччахьалкхен мехктохкама музее. Из хоам «Сердалога» бир цу моттигера.
Ший тайпара тамашийна я цу поэта байташ, иштта вайна йовз цун проза а. Цул совгӀа, суртанча хиннав Лермонтов. ЦӀихеза байтанча шоашта мишта гу хьахьокхаш бола, берий суртий гойтам дӀабихьар музея болхлоша.
«Ши бӀаь шу даьлча а наьха безам тӀабодаш ба цу сага кхоллам. Къонача суртанчий балхех латтача гойтамо хьагойт, тахан, 21-ча бӀаьшаре кхувш латтарий дегашта, цун кхоллам боча болга», - дийцар тха газетага.
