Шоай балха тӏа вахар хаьда МВД болхлой дагалаьцар мехка
22 шу хьалха доккха во тӏадера вай мехка цхьаккха адамал доацача, бӏехача зуламхоша. Мехкарча МВД тахан дагалаьцар цу хатара юкъе вахар хаьдараш. Шоай балха тӏа вахар хаьдача МВД болхлой мемориале зизаш даьхка, уж берригаш дагалаьцар МВД хьалха латтача полице инарал-майор волча Котов Владимира, МВД оагӏоний кулгалхоша.
Министра ший къамаьла юкъе белгалдир, уж нах деналца, майралца шоай декхараш кхоачашдеш, зуламхой юхатохаш лаьтталга. Вайна цӏаккха а йицлургьяц цар цӏераш, тӏехьа тӏайоагӏача къонача тӏехьенна дика масал долаш, вай дегашка бахаргба уж.
Бӏехача уйлашца чухьийлхача зуламхоша лаьрхӏар чакх ца далийта гӏерташ; яхьаца, дийца варгвоацача деналца духьалъэттар уж цу дийнахьа», - йоах тхога тахан цигара бенача хоамо. Мехкарча МВД болх дӏахьоча юкъа шоай декхараш кхоачашдеш вахар хаьдараш 429 болхло ва. Дала къахетам болба бейнарех! Дала гешт долда царна!
