Гӏалгӏайчен Халкъа Гулламе безбир республикан дикагӏа бола хьехархой
Хьехархочун Ди хьатӏадоагӏаш, Гӏалгӏайчен парламенте лаьрххӏа дола вӏашагӏкхетар дӏадихьар, цига безбеш бар хьехархой юкъарлон викалаш. Республикан Халкъа Гуллама депутаташа дег тӏара даькъалабийцар хьехархой, цар шоай балха декхар цӏена кхоачашдеш хиларах, хӏара денна кхувш йоагӏача тӏехьенна кхетам луш, дешара кӏийле чӏоагӏъеш уж хьабоагӏаш хилар белгалдир.
«Ше къамаьл деш унахцӏенон, вахара политикан, ветераний, СВО доакъашхой гӏулакхех йолча комитета кулгалхочо Олганаькъан Бадрудина белгалдир, хьехархочун болх лоархӏаме хилар, цо дӏадех кӏоаргга хьаькъал долаш, дег чура камаьрша, сакхетам болаш, сабаре хьехархо хилар. Хьехархошта ловца баьккхар уж могаш, сатем болаш хилар ловш. Цо аьлар, цхьана къахьегаш хиларо республикан дешара оагӏув дегӏайоалаяра деррига хьалаш хьакхолларгда», - яхаш дийцар «Сердало» газетага Гӏалгӏайчен законаш кхоллача оагӏон зарбан болх лелабераша.
Кхетаче чакхйоалаш, лаьрххӏа совгӏаташ делар хьехархошта, уж безбир Гӏалгӏайчен Халкъа Гуллама сийлен грамоташца. Цо хьагойт цар тахан берашта кхетам луш дӏахьош болча балха ӏаьдало лакха мах оттабеш хилар.
