Лоархӏаме никъ тоабе болабаьб Наьсаре
800 метрага кхоачаш бола лоархӏаме никъ тоабеш, болх дӏаболабир Наьсаре. Темарханаькъан, Муцольганаькъан цӏерах дола, иштта Лесной оала урам чулоацаш ба из болх. Шахьара да волча Оздой Руслана 2026-ча шера тоаде дезача наькъашта юкъейихьа моттигаш я уж.
«Наьсаре ший 245 шу дизар дездеш йолча хана, дӏаболабаьб болх. Цу цӏайга кийчо еш чӏоагӏа лоархӏаме да наькъий хьал меттадоаладар, хӏаьта къаьстта уж урамаш меттадоаладар хьалхарча оагӏонца кхоачашде дезаш да. Ишкола тӏабодаш ба цхьа никъ, иштта нах хӏетта баха ӏохайша моттиг шахьара къаьнарча доазонца хотташ ба. Дукха нах ба хӏара денна цига гӏолла дӏа-юха ухараш. Шахьара да ше ваха хилар балха тӏахьажа.
Никъ тоабаь баьлча, цун дӏоахалла лампаш йогӏа лерхӏ, иштта наькъа оагӏонцара канал цӏендеш болх бе, аьнна, хоам баьб «Ингушмелиоводхозага», - йоах «Сердалога» тахан кхаьчача хоамо.
Наьсарен цӏайга кийчо еш дӏахьоча балхашта юкъе, къаьстта йоккха моттиг дӏалоацаш да из гӏулакх. Наькъаш бахархошта паргӏато еш, кхоачамбоацараш доацаш хила деза. Шахьара куц тоадарал совгӏа, хьадеш мел дола хӏама, боаггӏача боараме кхоачашдеш хилар белгалдеш, хила беза из болх.
