Ӏабе-Гув тайп-тайпарча ханашка къаман вахарца дувзаденнараш дашха, цхьацца хӀаман чӀоагӀо е гӀалгӀай гуллуш хинна моттиг я. Тахан а иштта еза моттиг лоархӀаш я из вай вахаре, цудухьа из тоаяр керттерча декхарех да.

«Дукха ца говш, бахархошца, цу оагӀонцарча балхах болча говзанчашца дагабаьнна; вай исторенна, культуранна хетаяь хӀама хьае лаьрхӀад цига», - белгалдир вай мехкадас Келаматанаькъан Махьмуд-Ӏаьлас, цига дӀахьоча балхех дувцаш.