ГӀалгӀайчен Наьсаре тоабеш ба Ӏам а парк а
Наьсарен администраце проект котъяьлар, Ерригроссийски яхье, из дӀахьош яр зӀамагӀа йолча шахьарий, исторически моттигий дикагӀа йола проект харжара. ХӀара шера РФ гӀишлон министерствос дӀахьош я из. Из проект котъялар бахьан долаш, шахьара Ӏам а, цун юхера Малсаганаькъан КӀархцала цӀерагӀа парк а тоае таро хилар. Из хоам бир республикан гӀишлон министерствос.
Цигара беча хоамах, уж балхаш дӀадахьара хьахьожадаьд 130 млн сом., царех 103 млн сом - федеральни бюджетера да. Юхедиса ахча - моттигерча бюждетера а, инвестицей а.
Наьсарен-Шахьара Ӏам тоабеш латт, цига дукха кердадараш а хургда, кхыметтел хи тӀара кхуркхолг а болаш.
Иштта доккхий хувцамаш юкъедаргда Ӏама юхерча парке а: керда кхуркхолгаш хургда, парка даькъ тӀа WӀ-FӀ хьалаш хургда, книжка деша безам барашта гӀалгӀай классика фондацара библиотека а хургья.
