Наьсаре наькъаш тоаде болабеннаб
Карарча шера «Кхерамзлен дика наькъаш» яха къаман проект кхоачашъеш, шахьара администраце дехарах, Наьсаре 15 км наькъаш тоаде лаьрхӀад: ийс никъ ба тоабе лерхӀаш бар. Хьалхарча даькъе - Шаймиева М. цӀерагӀча урам тӀа болх дӀаболабаьб, из бӀаьха ба 2,43 км, яхаш, дийцар Наьсарен администраце.
Хьаде дезача балхех йола бартчӀоагӀамаш болх бергбарашца оттадаь даьннад.
Тахан шахьара кулгалхо куран кулгалхочунца, гӀончашца цхьана вахар М. Шаймиева урам тӀа деш долча балхашка хьажа.
«Из моттиг лоархӀаме я, Майскера Наьсаре хьавоагӀа никъ ба из. Укхаза дукха цӀенош дагӀа. Цудухьа болх бераша бахархошта хьалхадоаккх, никъ дӀакъайла, машинаш совцаяь хӀама хургдац. ТӀехьарча хана Наьсаре дукха наькъаш тоадаьд. Тхо хьожаш да, новкъа леларашта атта хургдолаш, наькъашкара хьал тоаде», - белгалдир шахьара кулгалхочо Йовлой Урусхана.
