ЦIерцарча кхерамзленах дийцар Наьсаре
25.10.2024 09:35
ЦIерацарча кхерамзленах дувцаш, кхетаче дIайихьар Наьсарерча администраце шахьара даь гIонча волча Котаганаькъан Ахьмада кулгал деш. Из хоам «Сердалога» бир администраце зарбан болх лелабераша.
ВIашагIкхетаре дакъа лоацаш бар ГО, ЧС гIулакхех болча оагIон кулгалду Янданаькъан З., Наьсарерча, Наьсарен кхалерча ОНДПР кулгалду Къоастой М., иштта кхыбола болхлой. Гулбеннараша дийцар цIерцара кхерамзлен хьал лорадара тIехьа бахархошца дIабахьа безача балхах. Къаьстта йоккха терко тIайохийташ дийцар, йокъаенна йоархаш, гIанаш доагадеча гIулакхах.
«ХIара оагIон болхлошта декхараш тIадаьхка, уж кхоачашдаь хила езача хана къоастам бир».
