Наьсарен юккъе, кхозза вӀаштӀараяь гӀишло хьалъоттаяра юкъе дакъа денад Кулгалхочо а иштта республикан кхыча лоархӀамеча наха а.

«Берашта лерттӀа хьехам, кхетам балара эшаш мел дар цу чу долаш да, цу юкъе ашарий а физкультуран а залаш йолаш. Говзанчашта болх бара йола кабинеташ а я, кхоллама болх цу берашца дӀабахьара йола моттиг а кийчъяьй, кхача кийчбара дола хьалаш а вӀаштӀехьадаьхад», - йоах хьабайтача хоамо.

«Из аргӀанара масал да вайна гуш дола, лоархӀаме декхараш дика кхоачашдеш хилара тешал деш. Вай кхувш йоагӀача тӀехьенна дика кхетам балара деш да из деррига.

Баркал ала лов сона гӀишлонхошта, берий йоакхо еш хиларах, царна иштта дика хьалаш чудола берий беш хьалъярах», - аьлар Келаматанаькъан Махьмуд-Ӏаьлас, ше лаьрххӀа из моттиг хьаеллаш.