Геттара дукха машинаш лела наькъа йистош баьццаръерзаеш ба Наьсаре
01.06.2026 09:40
Наьсарерча Кхоартой цӏерах болча къоахка гаьнаш дӏаегӏача урам тӏа, кхы а хувцамаш хургда. Из хоам «Сердалога» шахьара мэре бир.
«Кӏотаргаш, зизаш дӏадувш боахк цига тахан. Наькъа юкъегӏолла уллача оаса тӏа ягӏа гаьнаш дом, иштта машинаш лелача моттиге хулаш дола кхыдараш дӏа-хьа ца даржийтара дикка пайда беш хургья, цул совгӏа машиний тата а лаьгӏлургда»,- йоах тхога бенача хоамо. Вай мехкадас Келаматанаькъан Махьмуд-ӏаьлас кхайкадаьча экологен Шерага гӏолла болх дӏахьош, Наьсарера моттигаш куц эргадоаккхаш тоае лерхӏ мэре болхлоша.
