Дага мел дехача машинаш ӏоувттаяр дlадоаккхаш латт вай мехка
12.02.2026 09:44
Бокъо йоацача моттигашка машинаш ӏоувттаеш дола хӏама хоададаь дӏадаккха гӏерташ къахьегаш ба тахан Наьсарерча ОМВД болхлой. Вайна ма харра, цу гӏулакхо чӏоагӏа новкъарле ю наха, кхерамзлен хьал эшаду.
«Сердалога» из хоам бир мэре болхлоша. Цу балха юкъе дакъа лоацаш ба Наьсарерча мэре юкъарлон кхела доакъашхой а. ӏаьдала болхлоша терко лоаттаераш эггара чӏоагӏагӏа из хӏама даьржа моттигаш я. Дукха нах, машинаш хулача доазон тӏа геттара хала да из. Царех я Московски оалача урама моттигаш, Осканаькъан го бола моттиг.
Шахьара администраце, ӏаьдала болхлоша дехар ду бахархошка, боккъал а дита дага мел дехача моттигашка машинаш ӏоувттаю гӏулакх, хӏама бокъонга хьежжа хила деза! Наха а шоашта а новкъарло ма е!
