Наьсарера вахарца ювзаеннача моттигашта гонахьара доазош тоадеш латт
Гӏалгӏайчен Наьсарен-Шахьаре эггара дукхагӏа нах лелача моттигашка боккха болх ба дӏахьош доазош тоадара, яхаш, дийцар «Сердало» газетага доал деча даькъ тӏа.
«Карарча хана Гӏайрбик-Хьажий урамах парк йола моттиг тоаеш латт. Из болх дӏахьош ва Наьсарен цхьа таро йола саг. Балхаш кхы а даь даьннадац: кастлуш тоае лерхӏ сихача новкъостала станце даькъ тӏара моттиг, из эшаш а да лорий болх дикагӏа дӏабахьара. Дӏахо Мутаӏаланаькъан урамах машинаш лоаттаеча моттиге цу тайпара болх бергба, цо таро лургья гӏашлошта паргӏатагӏа лела», - аьлар хоамо.
Наьсарен кулгалхочо Оздой Руслана яхачох, шахьара хьал тоадар, гонахьара вахара моттигаш тӏайола доазонаш тоадар хӏара деннара керттера гӏулакх да. Шахьара хьал тоадара декхар кхоачашдара болх дӏахьоргба хӏара моттиг дӏалоархӏаш.
Из деррига деш да, шахьара бахархой, хьаьший гӏадбугаш; цӏена майдаш, хоза тоадаь урамаш, сквераш, проспекташ, паркаш, наькъаш хургдолаш.
