Наьсарен лостам телхаберашца къовсам лоаттабу
ГӏалгӀайчен Наьсаре дӀахьош ба нувхаш Ӏокхувсаш болча нахаца дукхача оагӀорахьара къовсам лоаттабара болх, яхаш, хоам бу «Сердало» газетага мэре зарбан болх лелабераша.
«Наьсарен-Шахьара администраце комиссе кхетаче хилар, из дӀахьош техкар бокъонаш телхаеш болча 11 наха духьалара каьхаташ. Къаьстта йола терко тӀаяхийтар гонахьара доазонаш лорадара, цига лостам лоаттабара. Цу тайпара кхоачамбоацараш карагӏдаларах 5 протокол оттадир бахархошта духьала», - аьлар хоамо.
Цул совгӀа, керттерча урамашка нувхаш чутувсаргаш оттаеш латт. Цу тайпара болх баь баьлар Сулейменова, Тутайнаькъан, Мутаӏаланаькъан урамашка. Из лоархӀаме да цу моттигашка лостам, цӀено хилийтара.
Наьсарен-Шахьара мэра гӀончас Мархенаькъан Миланас белгалдир, цхьайолча моттигашка наха шоаш ара а баьнна, лостам баь хилар. Куран администраце хьалхарча гӀончас Котаганаькъан Апте ший ханнахьа цу гӀулакха терко лоаттаяр бахьан долаш, ца йоагӀача нувхаш Ӏокхувсар дикка юхадаьннад. Иштта дале а, Наьсарен Ӏаьдал, цунна чудоагӀаш дола доакъош из дош мела дита лаьрхӀа дац.
