Моттигаш цӏенъе, тоае арабаргба бахархой
17.04.2026 14:06
Укх бетта 18-ча дийнахьа дӏахьош бола экологически болам хьаллоацаргба Наьсаре. Из хоам «Сердалога» бир шахьара мэре. «Шахьара моттигашка кулг тохара тӏахьех оаха бахархой. Шахьара да волча Оздой Руслана тӏадилла кхоана Железнодорожни оалача урама доазон тӏа къахьегаш хургба ӏаламах дог лазараш», - йоах тхога бенача хоамо.
Иштта бола болх дӏахьоргба шахьара массайолча административни моттигашка. Бахархой, цхьацца хӏама хьадераш из беркате болам хьаллацара тӏахьехаш ба тахан шахьарера хьакимаш. Гӏашлой наькъаш, наькъий оагӏонаш, болх беча моттигашта гонахьара доазув цӏендеш, гаьнашта кӏир тохаш, лостам ба бе безар.
