Кӏоагаша толхабаь латта Наьсарера никъ тоабергба
06.03.2026 11:32
Наьсара-Кертерча Садови оалача урам тӏара кӏоагаша толхабаь латта никъ тоабе лерхӏ мехка. Из хоам «Сердалога» бир мехкарча паччахьалкхе. Белгалде деза, из никъ воча хьале ба, яхаш; цигара бахархой интернета оагӏонашка гӏолла оарц дехаш хиннилга.
«Мехкарча ЦУРе теркалдир из хӏама, Наьсарен кхален администрацена тӏадиллар; из гӏулакх меттадоаладе, аьнна. Хӏаьта администраце болхлоша белгалдир, из никъ кулг тоха дезача моттигашта юкъебихьа- лга», - йоах тхогарча хоамо.
Дӏайха, декъа денош хьаотташехь; дӏаболабе лерхӏ болх, Дала аьннадале. Ишттача хьале долча наькъаша хало ю машинашта, гӏаш леларашта. Кхыйолча моттигашка а долаш да уж кхоачамбоацараш. Теша лов, бӏаьстан йӏовхал хьаоттарца, массанахьа наькъашкара хьал меттадоаладергхиларах.
