Нувхаш гулъеш долча гӏулакхо шахьара куц толхадац
27.04.2026 09:27
Нувхашта лаьрхӏа контейнераш оттаеш болх ба Наьсаре дӏахьош. Из хоам «Сердалога» бир шахьара мэре. «Боаггӏача боараме терко еш, санитарни хьал лорадеш дӏахьош ба тахан из болх», - йоах тхога кхаьчача хоамо.
Бахархоша белгалду, керда контейнераш шоай моттиге товш хилар, шахьара куц толхадеш йоацилга. Нувхашцара гӏулакх Наьсаре хьакимаша чӏоагӏа лакха тӏахьожам лоаттабеш, боаггӏача боараме хилийта гӏерташ терко еш да.
Кхаьч-кхаьчача нувхий тӏормигаш ӏоувттадеш бола ийрча болх, лаьрххӏа камераш йохкаш, цу гӏулакха лаьрхӏа 26 доазув кийчдеш юхатехаб. Шахьара моттигий куц толха ца деш, цӏено лораеш хилар укхаза бахачар, дешачар, болх бечар лоархӏаме декхар да.
