Нах дукхагӏа хулача Наьсарерча урамашкара лампаш хувцаш латт
26.03.2026 09:51
Наьсарерча Столични оалача ураме, 18 гӏатах долча цӏенна тӏабода гӏашлой наькъа дӏоахала, ДРКБ машинаш сувцача моттиге лампаш йохкаш, къахьегаш ба тахан. «Сердалога» из хоам бир шахьара мэре. Шахьарерча хьакимашта дагадоаллаш хӏама дар цу моттигашка баьдъелча ма хулла сийрдагӏа хилийтар.
«Эггара дукхагӏа адам хула, машинаш лела моттигаш я уж. Наьсар-Кертерча администраце 670 метр тока кабель дӏабохийташ, лампашта лаьрхӏа керда бӏоагӏий дегӏар цига», - дийцар тха газетага.
Бахархошта чӏоагӏа атто еш гӏулакх да из. Ара боад эттача, дукха нах лелача моттигашка сийрда хилар лоархӏам болаш хӏама да.
