Газ чуюллаш бохабаь никъ тоабеш боахк Наьсаре
«Кхераме доаца дика наькъаш» яхача къаман проектага гӀолла тоабаь Чеченски оалача Наьсарерча урам тӀара никъ дикка толхабир газа турбаш чуяхка эттача «Элит-Монтаж» яхача ООО оагӀон болхлоша.
Шахьара кулгалхой, иштта бахархой чӀоагӀа раьза боацаш хьайзар цу гӀулакха. Юххера а, шахьара да волча Йовлой Урусхана Чеченски оала урам чубоагӀача куранна кулгал деча Оздой Руслана тӀадиллар; толхабаь никъ ше хьалха хиннача беса бохабаьрашка хьатоабайта, аьнна. Из хоам «Сердалога» бир Наьсарерча администраце.
«Шахьара хьакимаш, прокуратура оарцагӀъяьнна, никъ меттабоалабе дӀаболабеннаб болхлой. Юххьанца ше хиннача хьала тӀа боалабеш, тоабергба никъ», - дийцар тха газетага.
Теркалде деза, шахьара дас тӀадилла, Наьсарерча Московски, Наьсара-Кертен яхача урамашкара моттигаш тоаяьлга.
