Наьсаре дийцар таронехи мехка гӏулакха тӏахьехарахи
Гӏалгӏайчен Тутайнаькъан Аьсета цӏерагӏча лорий колледже студенташца къамаьл хилар юкъарлон болхлой, цар дийца дош дар «ХХӏ бӏаьшерен Даьхе: тӏахьехамаш, таронаш». Из хоам «Сердало» газетага бир ГӏР кагирхой гӏулакха йолча Комитета кагирхой политикан кулгалхочо Гӏулой Аминас.
«Доакъашхошта хьалхашка лаьтта декхар дар граждански бехктокхамца, дин мах барашца дувзаденна хаттараш дувцар, иштта тахан кагирхоша цу юкъе дакъа лацар. Кагирхой боахама болхлоша довзийтар, мишта хувцалу Даьхенцара безам совбаккхара йола ХХӏ бӏаьшерен уйлаш, малагӏа декхар латт тахан кагирхошта хьалхашка; къаьнара ӏадаташ доаржадар, леладар, культура, исторически дагалоаттам лелабар хӏанад тахан лоархӏаме. Къаьстта терко тӏаяхийтар Даьхе езара даькъа, из дешарга гӏолла дегӏадоаладара; къахьегам, вахара лоархӏаме проекташ хьакхоллаш хилара, закон леладара, ший къаман пайда бахьаш хилара», – аьлар хоамо.
Кхетаче дӏаяхьаро таро елар хургболча лорашта вахара оагӏув чӏоагӏъе, шоай мехка хургдолчун уйла е, цох доаккхал де», – аьлар кхетаче хиннача Шоанахой Муслима.
