Шахьарерча моттигашка лела аттагӀа хургдар кхоллаш ба Наьсаре
30.07.2026 13:11
Шахьарера урамаш довзаргдолаш, моллагӀча сага шийна еза моттиг хьалаха аттагӀа хургдолаш, къахьегаш ба тахан Наьсаре. Шахьара да волча Оздой Руслана тӀадилла, хӀара урама цӀи эрсий, гӀалгӀай меттала белгалъеш улгаш оттаде арабаьннаб болхлой. Муниципальни массайолча моттигашка дергда уж хувцамаш.
«Шахьаре баьхкача хьаьшашта, иштта бахархошта атто еш, цул совгӀа ГӀалгӀай Республикан паччахьалкхен метташцара лерхӀам чӀоагӀбеш болх ба ала деза цох. Массадолча керттерча урамашка оттадергда цу тайпара улгаш», - йоах «Сердалога»
Наьсарен мэрера бенача хоамо. Шахьарера хьал аттачахьа доаккхача оагӀонцара болх ба из. ХӀаьта шахьара Ди дездеча шерца геттара товш, доагӀаш хувцамаш да.
