Наьсаре соцавир, наркотик эза, машинаца воагӏар
Укх деношка Наьсаре соцавир, наркотик эза, «БМВ 330i» автомобилаца воагӏаш хинна водитель. Экспертиза яьккхачул тӏехьагӏа, гуш хилар из наркотик эза волга, яхаш, хоам бу «Сердало» газетага Гӏалгӏайче гӏолла йолча Россе МВД.
«Цу сагах долча хоамаша хьагойтар, хьалхагӏа из административни бехктокхаме эза хилар, транспорт лелае бокъо йоацаш, наькъа бокъонаш телхаяр бахьан долаш суд яь хилар.
Из деррига дӏа а лоархӏаш, цу сага духьала зулам дарах йоагӏача РФ УК 264. 1 ст. (корта бохабу малар менна воагӏаш хиларах) бехк бу. Иномарка дӏайигар Наьсаре гӏолла йолча Россе ОМВД доазон тӏа»,- аьлар тхоца къамаьл даьчо.
Хӏанз из гӏулакх тохкаш да, цун чаккхенга хьежжа, уголовни гӏулакх хьаделларгда. Гӏалгӏайчен бокъонаш лораераша белгалду, корта бохабу малар менна воагӏаш хилар - из чӏоагӏагӏа дола бокъо толхаю хьал да, из кхераме да наькъ тӏа лелача наха. Из шозлагӏа а корта бохабу малар менна е кхыйола хӏама эза хилча, цунна духьала уголовни гӏулакх хьаделл.
