Наьсаре лекци йийшар «Терроризм: мишта лоралургва ше ӏеха ца вайташ» яхача темах.
Гӏалгӏай Республикан кагирхой гӏулакха йолча Комитето, «Дешар» яхача Российски юкъарлонца цхьана, экономика, бокъон Колледже дӏайихьар «Терроризм: мишта лоралургва ше ӏеха ца вайташ» яха лекци.
«Цига вийхавар «Кхетам» яхача Российски юкъарлон федеральни лектор, «Звезда» АНО кулгалхо Скрипниченко Владимир. Из дешархошца цхьана хьежар, цу воча гӏозара кагирхой юкъебахара хьал доаржадара никъ миштаб, къаьстта вахара бувзамашка гӏолла. Лекци йийшачо теркам тӏабахийтар уж кагирхой ӏехабе гӏерташ цар юкъедоахача гӏулакхашта. Студенташта довзийтар лерттӏа уйла еш, этта хьал довзаш, кхетадеш хилар мишта хила деза, цар шоай ханнахьа хьехархошка, даьшка, ӏаьдала болхлошка цох хоам бе безилга хьалхадаьккхар», - аьлар кагирхой гӏулакхаш леладераша.
«Цу тайпара кхетаченаш дӏахьош хиларо таро лу кагирхошта дукха хӏама довза, харцахьардар кхетаде, нийса мах оттабе, бокъонаш йовза», - аьлар Скрипниченко Владимира.
