Наьсаре СВО ветеранаш, цар гаргара нах тӏаийцар
Нах тӏаэцаш хиннача дийнахьа, Гӏалгӏай Республике гӏолла йолча «Даьхен лорабой» ганза гӏалгӏай филиала кулгалхочо Оздой Муслима лакха дикал йола новкъостал дир; лаьрххӏача тӏема операце ветеранашта, цар гаргарча наха.
«Наьсарен политехнически колледжа гӏишлон чу, бӏухошта новкъостал де вӏашагӏкхийтар СВО ветераний Ассоциаце кулгалхо Саккхаланаькъан Муса, Наьсарен шахьара администраце, тӏема комиссариата, таронашца ӏалашо лоаттаеча моттигий викалаш, цу доазон тӏа чӏоагӏбаь вахарца бувзабенна ганза болх лелабераш. Дувца оттадаьча хаттарашта чудоагӏаш дар ЖКХ гIулакхаш маьха чухьнахьа дар, каьхаташ доахаш юридически оагӏорахьа хьаллацар, вахаре эша новкъостал дар, иштта тӏема ветерана удостоверени доаккхаш гӏо дар, санаторен-курорта дарба дар.
Дерригача хаттарашка хьежар цу моттиге, чоалханедараш шоай теркама юкъеийцар», - аьлар хоамо.
«Цу тайпара нах тӏаэцаш, кхетаченаш дӏахьош хиларах боккха пайда эц, хӏана аьлча цу моттиге этта хьал довза дикагӏа таро хул. Тха декхар – ветерана йоагӏаш йола льготаш лоаттаяр, царна хьалаш ма хулла дукхагӏа хьакхоллар, новкъостал дар.
Оаха баркал оал колледжа кулгалхошта, из кхетаче вӏашагӏйолларах», - аьлар Гӏалгӏай Республике гӏолла йолча «Даьхен лорабой» ганза филиала кулгалхочо Оздой Муслима.
