Наьсаре тӏема ветерана удостоверени хьаийцар СВО доакъашхочо
06.07.2026 13:48
Тӏема операце доакъашхо волча Дзаренаькъан Мусайна тӏема ветерана удостоверени хьаделар тахан «Даьхен лорабой» яхача ганза республикерча филиале. Из хоам «Сердалога» бир цу моттигера.
«Удостоверени хиларо ӏаьдалгара шийна хьадоагӏаш дола хӏама хьаэца аьттув лургба бӏухочунна, цул совгӏа цу каьхатага гӏолла мах боацаш йолча паччахьалкхен программан гӏонца ший дегӏа могашал меттаоттае йиш йолаш ва из», - дийцар тхога.
«Даьхе лораеш латтарий гӏулакхага хьажар керттерча декхарех да. Удостоверени хьаэцар лоархӏаме да бӏухочунна. Дӏахойодача хана цун гӏулакхага хьожаш, балха отта новкъостал деш, хургда тхо», - аьлар ганза болхлоша.
