СВО доакъашхошта тӏема ветераний удостоверенеш дӏаделар Наьсаре
«Даьхен лорабой» ганза гӏалгӏай филиале лаьрххӏа йола кхетаче хилар тӏема ветераний удостоверенеш дӏалуш, лаьрххӏача операце доакъашхошта.
«Белгалдоалаш хӏама дар тӏем тӏара цӏабаьхкача Оздой Руслана, Малсаганаькъан Ибрахӏима тӏема ветераний Ди долаш каьхаташ хьаэцаш хилар.
Из меттаоттара, законах доагӏаш дола вахара новкъостал дара, льготаш дӏакхоачаш хилийтара даькъ тӏа лоаттадеш дола гӏулакх да. Хӏанз бӏухошта аттагӏа да моллагӏа долча хаттарех бувзам лелабеш», - аьлар паччахьалкхен урхаллене.
«Тӏема ветерана удостоверени далар - из вай бӏухой лаьрххӏа паччахьалкхено тӏаэцаш хилар да. Из вахара аьттонаш луш дола каьхат хинна ӏац, из я цар лерхӏам беш хилара белгало. Ганза филиало из болх дӏахо а дӏахьоргба, хало йоацаш удостоверенеш хьаэцара новкъостал а деш», - аьлар «Даьхен лорабой» ганза филиала кулгалхочо Оздой Муслима.
