Наьсарерча Суворова урам тIа, керда лампаш сегар
Наьсаре дIахо дIахьош да урамаш сийрдадахара балхаш. Укх наькъа сийрдабаьлар Суворова урам, цига йоахкаргья ток кхоеш йола лампаш. Дошлакъий-Юрта, Аьлтий-Юрта администрацеша болх дIабихьар, шахьара кулгалхочо Оздой Руслана тIадиллача декхарах.
Шахьара кулгалхоша белгалдир урамаш сийрда хилийтарца дувзаденна дош лоархIаме долга, къаьстта ишколашта юхера доазонаш. Шахьара хьакима яхачох, цу тайпара балхаш тIехьатетта йиш йолаш дац, наха эшаш дола хьалаш хьакхолла деза.
Проекта чудоагIаш 70 совгIа консольни оалаш йола лампаш хийцар, ток кIезигагIа дIаозаш йолча лампашца. Уж ханахьа йохаш а яц, цул совгIа 30% ток кIезигагIа а дIаоз, из лоархIаме да токацара хьал дIалаьрхIача.
Из проект кхоачашъеш хиларах, Суворова урам тIа кхераме йоацаш хиларал совгIа, гIашлошта а водителашта а аттагIа я, цул совгIа куц а хувцаденнад бийсан хулаш дола, цо таро лу шахьара хьалаш дика лоаттаде.
