Наьсаре Бохтаранаькъан Ӏумар даькъалавийцар, Европан Хьалхалене толам баккхарах
Физически культуран, спорта моттигерча Министерстве Бохтаранаькъан Ӏумар даькъалавийцар, эллиной-румий латара Европа U-17 Хьалхалене дика толам баккхарах.
«Дозал 45 кг долча даькъ тӀа Ӏумара дото мейдилг яккхарах, спортивни балха кулгалхочо Белхарой Руслана баркал аьлар ерригача республикан а лоархӀаме бола толам баккхарах, цул совгӀа цунна ахчан совгӀат дир. Тренерий Дошхьакъалой Ислама, Цхьорой Хьамзата балха лакха мах оттабир», - аьлар министерстве.
Из дика толам ба, бакъда кхы а болх бе беза гӀалаташ юкъера дӏадоахаш. Дӏахо котало яккха, керда спортивни толамаш даха низ кхоачалба шун! Баркал ала лов ГӏалгӀайчен спортивни латара Федераце хьалхарча вице-президента, РФ Паччахьалкхен Дума депутата Татренаькъан Муслима, цо новкъостал дарах», - аьлар Белхарой Руслана, ше Ӏумара Европан яхьашка дакъа лацарах дувцаш.
