Тӏема юкъе вахар хаьдача СВО доакъашхочун сийна, сурт оттадир Наьсаре
Тӏема аренашка воӏ дӏаваьнна йиса Къамурзой Райшат, «Даьхен лорабой» яхача ганза мехкарча филиала болхлой болча ена хилар. Ший виӏий, Къамурзой Мухьмада Микаила хетаяь шахьаре сурт оттадар дехаш яр из. 2025-ча шера тушола бетта тӏема декхараш кхоачашдеча вахар хаьдад цун. «СВО ветераний Союз» яха майдилг енна вар Микаил, вахар хаьдачул тӏехьагӏа, «СВО Турпал» яха орден хьожайир цунна.
«Ганза мехкарча филиала болхло йолча Марзагӏанаькъан Мадина хьежар цу гӏулакхага. Дагалоаттама сурт кийчдайташ бола болх шийна хьатӏаийцар цо, шахьара кулгалхошца бувзаме яьнна, из оттаде йиш йола моттиг къоастайир», - дийцар «Сердалога» «Даьхен лорабой» яхача ганза филиале.
Турпал волаш вахар хаьдача къаман виӏий сурт оттадеш баьхкар шахьаре. Къамурзой Микаил вар, ший тӏема декхараш бехктокхаме кхоачашдеш, гонахьарча новкъосташта ше везийта ховш. Дала гешт долда цунна, Дала къахетам болба!
