Наьсаре дӀахьош ба, кагирхошта вахара бокъонаш йовзийтара болх
ГӏалгӀай Республикан кагирхой гӀулакхех йолча Комитето болх дӀахьош ба, вахара бокъоний оагӀув кагирхошта йовзийташ. Укх деношка, «Закон, эхь: хьа кхерамзлен доазув» яха цӀи йолаш кхетаче дӀайихьар ИТхаб колледже (вай заман технологеш ӏомаю моттиг).
«Дешархошта экстремизма, наркомане ийрча хьал довзийташ, къамаьл дир дешара моттига викалаша. Цига дийцар чоалхане къамаьл. Цунна чудоагӀаш дар республикан студенташта хьалхашка дукхагӀа нийслуш дола хаттараш. Цига хьехам беш хиннарашта дукхагӀа дагадаьллар дар, вахара унзара хьал кхувш йоагӀача тӀехьен юкъе даржаш хилар. Кертте оттадаь хаттар дар, царех хӀаравар шоай вахара хьалхашка бехктокхаме хилар. Иштта дийцар цу зуламах хьадоала во тӀехьенгара тӏехьенга а кхоачаш гаьнадоалаш хилар, цо саг хӀалаквеш хилар», - аьлар кагирхой Комитете.
Колледжа кулгалхочо Хутенаькъан Адама яхачох, из кхетаче дӀаяхьарах кагирхой таро хилар юридически лоархӀаме хоам бовза, иштта хӀара денна республика дегӀайоалаеш къахьегаш хьабоагӀача наьха цох йола уйла йовза.
