Наьсаре СВО ветерана фусаме, цунна эшшача тайпара хьалаш хьакхолларгда
«Даьхен лорабой» ганза гӏалгӏай филиала вахарца бувзабенна болх лелабу Беканаькъан Мадина, Наьсарен администраце викал хьежар СВО ветерана Гезгу Мусай вахара хьалашка, дӏахо цун езача тайпара фусам тоае дагахьа.
«2024 шера, Мухьмада Муса хьалхарчарца СВО вахар, цига чов хинна цӏавера. «Даьхен лорабой» ганза филиала вахара дешаех болх лелабераша цунна гӏо даьд, могашал меттаоттаеш. Хӏанз уж цига бахар бахьан да вахара хьалаш миштад хар, президентски ганза чудоагӏаш, цун фусаме ветерана аттагӏа хургдола хьалаш хьакхоллар. Цар бустамаш даьхар наӏарашта, мах оттабир чурча хьалашта, санитарни-цӏенон хьала, гонахьарча доазонна», - аьлар «Сердало» газетага «Даьхен лорабой» ганзе.
Гезгу Мусай фусаме эшаш дола хьалаш хьакхолларгда, цунна лела атта а, кхераме доацаш а хургдолаш. Уж балхаш дӏадоладергда, тӏехьа ца доахаш.
