Марихуана лелаяь наьсархо судага кхаьчав
16.07.2026 00:14
Наьсарерча вахархочун цӀагӀа чухьожаш хилар полице болхлой.
«ХьалхагӀа РФ УК 228 ст.,234 ст. (йоаржае лаьрхӀа наркотикаш, саг ший доалара воаккха хӀамаш лелаяр) бехктокхаме эза хиннача сага маьнгена юхе латтача истола тӀа «Собрани» яха гӀаьлений пачка корайир полицена, бакъда чухьнахьа яьхкараш гӀаьленаш яцар.
Россе мехкарча МВД криминалистически оагӀонца дӀабихьача тохкамо хьахьекхар, чуяьллар 13,70 грамм марихуана йолга», - йоах «Сердалога» бенача хоамо.
Наьсарерча ОМВД болхлоша РФ УК 1-ча даькъа 228 ст. гӀулакх хьадийллар цунна духьала.
ЦӀагӀара аравала йиш йоацаш бокъо йийхкар цун.
