200 моттиг йола берий беш хьалйир Наьсаре
30.10.2024 09:49
Наьсарерча Центр-Камазе хьалъяьй керда берий беш. Дешара хьал тоадарах йолча федеральни программага гӀолла, чакхбаьккхар 226 млн сом дӀатӀадахийта из беркате болх. 3 эзар кв.м кхоачаш да берий бешо дӀалаьца доазув. Карарча хана деррига балхаш чакхдаьха баьннаб болхлой. Тха газетага из хоам бу гӀишлошъяра балхех йолча министерствос. Кастта 200 бер тӀаэцаш, ший наӀараш хьаелларгья цу хозача моттиго.
«Спорта зал, кхетаченаш дӀакхухьаш йола зал, барзкъаш хьалъэхка моттиг , кхача кийчбе ноанала цӀа, иштта кхыдола мел эшар чудолаш я берий беш. Гаьнаш, зизаш дӀадогӀаш; баьццардерзадаьд ков. Ловза моттигаш, Ӏи деш йола кхоаленаш я коа», - дийцар министерстве.
