Наьсарен кхале дийцар, хьатӀайоагӀача эскаре амал дара ханах
Наьсарен кхален администраце кулгалхочо Исмейланаькъан Амирана кулгал а деш, кхетаче дӀайихьар, цига дийцар герзашцарча низашка амал дара кагирхой тӀахьехаш йола ха хьатӀаярах. Из хоам «Сердало» газетага бир доал деча даькъ тӀа зарбан болх лелабераша.
Кхетаче дакъа лоацаш бар юрташкарча администрацей кулгалхой, эскаре амал дарах бола болх лелабу Ӏаьдала болхлой.
«Гурахьа тӀема гӀулакх дӀадахьара тӀахьехаш йола ха дӀайолалу ардара бетта 1-ча дийнахьа. Цудухьа хӀанззе а дӀаболабе беза, вай тӀахьеха ха йолча кагирхошта повесткаш дӀалуш бола болх. Из декхар тӀадиллар юрта администрацей кулгалхошта. Белаглду, 2024 шера, наджгоанцхой бетта денз, амал дара тӀахьехаш йола ха лакхъяьй 27 шергара 30 шерга кхаччалца. Цул совгӀа, амал дарах лечкъаш болча наха 30 эзар сом гӀод тохаргда», - аьлар Наьсарен кхален администраце.
