Наьсарен кхале цӏеннах новкъостал дергда, таро йоацача дезалашта
30.07.2026 14:34
Наьсарен кхален администраце аргӏанара кхетаче хилар. Цига къоастадир моттигерча бахархой дехараш. Доакъашхой хьежар хӏара сага кхайкаралга, царна эшаш долча вахара новкъостала боарам къоастабир, гӏо де лаьрхӏар.
«Цхьан дезало дарба де ахчанца новкъостал дар дийхар, цунна жоп делар. Иштта новкъостал дир, республикан арахьа дӏаваха лаьрххӏа дарба де дезаш волча СВО бӏухочунна. Къаьстта дийцар виӏий бераш кхедеча цхьаьча кхалсага хьал», - аьлар «Сердало» газетага Наьсарен кхален администраце.
Дехараш мел долча дезалашта кастлуш эшаш дола гӏо дергда, бокъонах доагӏаш ма хиллара. Кхален ӏаьдало цар хьал ший теркама юкъеийцад.
