Наьсарен кхале дӀабихьар фитосанитарни болх
ГӏалгӀай Россельхозцентра филиала болхлоша укх деношка дӀабихьар Наьсарен кхален юртбоахама кхашка фитосанитарный хьал миштад хьожаш бола болх.
Цу урхаллен зарбан болх лелабераша яхачох, из болх баьб Гелисханаькъан Ахьмадхана «Далаковское», «Юг-агро» (СППК) юртбоахамаш долча лаьтта.
412 гектар долча лаьтта говзанчаш хьежар Ӏай дӀадувш долча ялата - мукха, кӀин - хьал миштад.
Белгалду, тохкама болх дӀабихьача моттиге цхьан гектара тӀа, даьхкий кепара долча дийнатий 20 совгӀа къоргаш хилар.
«Из экономически даькъ тӀа нийслуш долча хьалал совдоалаш дац, цудухьа кхерам болаш дац хьувкъама»,-аьлар ГӏалгӀайчен РСХЦ.
Шоай болх чакхбаьлча, говзанчаша юртбоахам лелаберашта хьалдаьккхар культураш кхеяра цу зуламхошца малагӀа къовсам лоаттабе беза, хургбола хьувкъам дика хилийтара.
