Воча ӏоткъамо гоалвоакх саг
Наьсарен кхален администраце кхетаче йир, кхален кулгалхочун гӏончас Бохтаранаькъан Хизара кулгал деш, цига дийцар воча ӏоткъамах кхувш йоагӏа тӏехье лораяра де дезачох.
Гулбеннарашта юкъе бар ПДН викалаш, цар дийцар даим кхувшбоагӏарий бокъонаш лораяра болх дӏабахьа безарах. Хьалхарча аргӏагӏа латтараш дезал ба, хӏана аьлча цу дезале деррига нийса хуле, бераша лохаргдац юстарара хӏама.
Кхетаче лаьрхӏар, цу хатарах дола бӏарчча балха дакъа вӏашагӏдолла: кхувш боагӏарашца каст-каста профилактикан къамаьл деш; цар даьшца-ноаношца мукъа ха вӏашагӏйоллаш; спортивни, культуран кхетаченаш еш, иштта дика тӏахьожам лоаттабеш уж деша багӏача, кхыча моттигашка.
Цу балха чудоагӏаш да ӏомабалара семинараш яр, кхувш боагӏарашца болх беш болча говзанчий герга истолаш дӏадахьар, лерттӏа кхетам луш боаца дезал хьалххе а белгалбар, царна шоай ханнахьа новкъостал дар», - аьлар «Сердало» газетага доал деча даькъ тӏа.
