Наьсарен кхале лаьрххIа хьадийллар Россе къамий цхьоагIон Шу
Тахан Яндарерxа культуран ЦIенах культурни вахара керттера моттиг хилар. Укхаза дIайихьар йоккха кхетаче, из хетаяь яр Наьсарен кхале Россе халкъа цхьоагIон Шу лаьрххIа хьаделлаш хилара.
«Цига дакъа лоацаш хилар кхален Iаьдала балха викалаш, Россе къамий Ассамблея моттигерча отделене доакъашхой, ГIалгIайчен культуран болхлой. Из цIай хоздеш дар цига кхувш йоагIа тIехье дакъа лоацаш хилар: программа кийчъяьяр айхха бувзам болаш «Олимп» лицейца, иштта Яндарерча №2 йолча ишколаца», - аьлар «Сердало» газетага салоIама моттига исбахьален кулгалхочо Йовлой Мадинас.
Вай мехка халкъа ашарашца, халхарца кийчъяь программа дIайихьар цига. Цар хьагойтар къаман культура, цунца цхьана хадаргбоаца къамашта юкъера бувзам. Безача хьаьшаша шоай къамаьлаца белгалдир дуненна мах бараш, юкъера гулакхаш, шоайла лархIар.
Кхетаче хилар йIайха, дег чура безаме, Россе сийдола культуран тIехьале, Iадаташ лораде дезаш хилар гулбеннарашта хьалхадоаккхаш.
