Наьсарерча РДК кагирхой Ди дездир
14.08.2026 23:03
Наьсарен кхален культуран Цӏагӏа кагирхой Денна хетаяь «Тха цӏай къонало сийрдадоаккх» яха программа дӏайихьар. Из кийчъеш къахьийгараш бар культуран Цӏагӏа болх баш бола лакха начӏал дола Кӏуренаькъан ӏайна, Исмейланаькъан Лема, Эккажанаькъан Мадина. Кагирхошта бокъонца дола Цӏай оттаде аьттув баьлар цар цу дийнахьа.
«Тайп-тайпарча оагӏонех латташ яр программа. Шоай вокальни, халхара говзал йовзийта аьттув бар къонабарий. Иштта викторинаш, ховли-довзалеш юкъелоацаш; къонабараш мел кадай ба хьожаш хилар цига», - дийцар «Сердалога» Наьсарен кхален РДК кулгал деча Дзейтанаькъан Тамерлана.
Берригаш раьза болаш, къонабарий дог ураоттадеш, царна боккха тоам беш, кхетаче хилар цох.
