«Кавказера тӏом» яха книжка довзийташ, кхетаче хургья къаман библиотеке
«Кавказера тӏом» яха книжка довзийташ кхетаче хургья къаман библиотеке укх бетта 12-ча дийнахьа. 2025-ча шера арадаьнна книжка Сийлахь-боккхача Даьймехка тӏем тӏа Котало яьккха 80 шу дизара, Даьхен лорабой Шера хетадаь да. Кавказера фашист вохавара хетадаь да из.
«Авторий тоабан керте латтар Гӏалгӏайчен Паччахьалкхен кулгалхо вола Сластенин В.В. ва. Дукха къахьийга болх ба тахан арабаьннар, исторе эггара лоархӏаме дола денош довзийташ. Къаьстта моттиг дӏалоацаш я цу тӏа Магӏалбикера операци. Цига чугӏерташ хиннача фашиста мел лаьрхӏар дохадаь дӏадаьккхад, тӏема котало вайга кхачара тӏехьа чӏоагӏа лоархӏаме хиннад мехкдаьтта моттигашка кхача гӏийртача моастагӏчоа цаметтар гойтар», - дийцар «Сердалога» къаман библиотеке.
Мехкдаьтта моттигашка гӏолла дӏахо ший никъ дӏабахьа лаьрхӏа чугӏерта фашист вохаваьв Магӏалбике. Тӏема исторе дукха яздаьд цу операцех лаьца. Кавказе духьаллаьттача бӏухой турпалал гойташ да книжка.
