ГӏР керттерча библиотеке «Наркотикаш - ӏоажала никъ» яха гойтам ба болх беш
Гӏалгӏайчен Янданаькъан Жамалда цӏерагӏча Къаман библиотеке хьабийллар «Наркотикаш-ӏоажала никъ» яха книжкай гойтам. Из библиотеко наркотикаш, кхыйола молхаш лелаяра духьала къовсам лоаттабеча даькъ тӏа дӏахьош болча балха доккхагӏа дола дакъа да.
Наркомани тахан - из бокъонца дола даьржа лазар да, цо хӏара денна дӏакхухь дерригача дунен тӏара эзарней вахар. Из болх вӏашагӏбеллараша шоашта хьалхашка оттадаь декхар дар, наркотикаш лелаяр геттара чӏоагӏа унзара лазар хилар кагирхошта хьалхадаккхар.
«Гойтаме гуш дар наркоманех хьадоалаш дола зе малагӀа да, цох дола хоамаш тӀадолаш дукха хӏамаш яр. Сага керттера мах бар белгалдеш яр дукхагӀъяраш. Царга гӀолла хоам бора хьалхадоаккхаш, вахар - из совгӀат да, цунца бехктокхаме хила веза», - аьлар «Сердало» газетага Къаман библиотекан зарбан болх лелабераша.
