Дабий-Юрта СВО бейнача бӏухой сийна мемориала улг оттадир
Гӏалгӏайчен «Даьхен лорабой» ганза филиала даим терко ю, СВО бӏухой бицлургбоацаш. Магӏалбика кхале вахарца бувзабенна болх лелабеча Мержой Идриса вӏашагӏкхетар хилар бейнача бӏухой Цӏечой Ильяса, Цӏечой Абабукара дезалашца. Гаргарча наха дехар дир, турпалхошта сийленг оттаде, аьнна. Шаккха бӏухо шоай декхар дика кхоачашдеш хьавенарех вар, царна бейначул тӏехьагӏа Денала майдилгаш елар.
«Байнача бӏухой-турпалхой гаргарча наха лоархӏаме да шоай воша, воӀ, фусам-да берригача мехко лоархӏаш хилар го. Кхувш йоагӏача тӏехьенна турпалхой бовзаш хила беза. Оаха лорабергба из дагалоаттам, иштта хьаллоацаргба СВО доакъашхой дезал», - аьлар Мержой Идриса «Сердало» газетага.
Дагалоаттама сийленг оттадир Цӏечой Беслана Ильяса, Цӏечой Ӏалихана Абабукар ваьхача Дабе-Юрта. Исторически дагалоаттам лелабара болх цу тӏехьа чакхбоалаш бац. Бейна Даьхен бӏухой дагалоацаш дола сийленгаш кхы а оттадергда. Вай мехкахошта карагӏдаьннар наьха дегашка хургда даим.
