«Кинон бус» «Чебурашка - 2» яха исбахьален фильм гойтар Дола-Коа
30.08.2026 14:31
Дьяченко Дмитрий режиссёр вола «Чебурашка - 2» яха исбахьален фильм гойтар, Дола-Коарча культуран Цӏагӏа. Ерригача Россе «Кинон бийса» хьаллоацаш, болх хилар цох.
«Мах бала ца безача кинога хьажа гулбелар юртарча культуран цӏагӏа боккхийбараш, иштта бераш. Массанена дукхача хана денз дезаденна, дика довзаш долча кинога хьожаш; боккха салоӏам хилар наха. Дунен тӏа ший моттиг, тешаме новкъостий лехаш лелача Чебурашкас дог айдаьдар берий, хӏаьта боккхагӏчар цхьан юкъа шоай хӏара дийнахьара гӏулакхаш юстартетта, бералга кхача аьттув бар», - дийцар «Сердалога» культуран цӏенна кулгал деча Алерой Билала.
Дезалца арабаьнна, хоза ха дӏаяхьа вӏаштӏехьдаьлар юртахой. Ерригача Россе болам наьха дегашта тоам беш хилар, ала йиш яр цу дийнахьа.
