Светодиодни лампаш ю завод хьалъара болх дийнбергба
ГӏалгӀайчен парламенте кхетаче хилар «Дюрей» АО яхача Пермерча инвесторца, из раьза ва, социально-экономически ГӏалгӀайче дегӀаяра йолча лаьрххӀача федеральни программах 2016-ча шера МагӀалбике хьалъяь хинна «Технопарк «Сердало» АО кердаяккха, яхаш, дийцар Халкъа Гуллама зарбан болх лелабераша.
Кхетаче дакъа лоацаш хилар ГӏалгӀай Республикан Паччахьлкхен кулгалхо Сластенин Владимир, «Технопарк «Сердало» керттера кулгалхо Совтанаькъан ХӀарон, Халкъа Гуллама депутат Чуранаькъан Мустафа.
Керттера дийца дош дар, укх массехк шера сеца латташ йола технопарка гӀирс болх бе болабалийтар, республике светодиодни лампаш арахецар.
«Иштта дийцар балха карарча ханара хьал, чулатта гӀирс кердабаккха безаш хиларах, из эш заводо дикагӀа болх бергболаш. Спикера Тӏумхой Мухьмада белгалдир, республикан кулгалхоша инвестицеш юкъеяхара йоккха терко лоаттаеш хилар», - аьлар республикан парламенте.
Ший аргӀагӀа «Дюрей» ОА керттерча кулгалхочо Демаков Вадима белагалдир, из предприяти дӀайолаялале хьалха цун каьхаташка лерттӀа хьажа везилга. Цул тӀехьагӀа, технопарк тоаяра дола дош дувцаргда боагӀача боарам тӀа.
