Чарахьал деча даькъ тӀа хьунагӀа лелача оакхарашта, лазара духьала тохаш дола маьхий денад
14.09.2024 19:09
Наьсарен, Шолжа, МагӀалбика, ЖӀайрахьа кхалений чарахьал деча диъ даькъ тӀа, оакхарашта лаьрхӀа хьаьрдалар оала лазар хургдоацаш маьхий денад, яхаш, дийцар «Сердало» газетага ГӏалгӀай республикан Ӏалама Министерстве.
Уж маьхий да даара хоза хьадж йоагӀаш, лаьрххӀача тӀормига чу дохкаш. Уж молхаш йиача, оакхарашка цу лазара духьала эшаш дола хӀама дӀакхоач.
«Уж цун кер чу чӀоагӀлу 21 ди даьлча, цхьан шера кхоачам болаш а я. Боарамал совгӀа йиар царна зене яц.
Чарахьаша из вакцина оакхарий лелача моттигашка Ӏоюлларгья», - аьлар Ӏалама боахаме.
